من جد شي يفشل<<<اضحك معاهم

بسم الله الرحمن الرحيم
السلام عليكم ورحمة الله وبركاته

...نبدا بالموضوع على طول..

من المعروف أن المرأة تقدر تتحمل آلام ما يتحملها أقوى الرجال وهذا الشي مو جديد
علينا ومعروووف لدى الجميع بس الجديد هو اللي بقولكم

في يوم من الأيام قرأت مقاله ورد فيها عباره تقول:
(( المرأة تتحمل الآلام من اجل جمالها))
وقفت عند هالعباره كثيييييييير
وحبيت اني أخوض فيها
لقيتها صحيحه مليوووووووون في الميه

===============================

يعني الكعب اللي يلبسونه الحريم وكما يسمونه (( الشوكه )) من اسمه يخرع
هذا الكعب الله يسلمكم أتحدى رجال يمشي فيه متر واحد والله اني استغرب بعض الأحيان
الوحده تلبسه وتروح مناسبه ولين رجعت وفصخته تترحم ((تقول أسيرأطلقوا سرااحه)) تقعد تتشكى وآآآآآآآي يا ظهري ومقدر أحركه وحااااااله (( طيب وش اللي حادك يوم تلبسينه ))؟؟ أنا أقولكم ليش عشان تطلع طويله ورزه
باختصااااااااار عشان تطلع أحلى...!!!؟؟
=================
صارت مناسبه والبنت تبي تروحها لها لبست وتكشخت وما لقت جزمه (( الله يكرمكم )) تناسب الفستان وش تسوي لاااااااااااااااااااازم تلبس شي يناسب
تروح تحوس عند خواتها تلقى وحده مناسبه تقوسها تطلع ضيقه وعناااااااااااااد إلا بتدخلها (( تذكرني بخوات سندريلا )) وأخيرا قدرت تحشرها برجلها وراحت المناسبه والمسكينه رجعت ورجلينها وارمه ومحمره ((طيب لييييش)) كل هذا عشان الكشخه عشان تطلع اجمل وأحلى..!؟؟======================
بعض البنات تلتهب إذنهم من (( الحلق )) واذا طلعوا مكان لازم يلبسون حلق ولازم نفس لون اللبس ومايمدي الوحدة ترجع إلا على طول تفصخه هذا إن ما فصخته بالسياره بعدين تروح تغسل مكانه بماء بارد وتحط كريم وحاله
كل هذا عشان تطلع أحلى..!؟؟
=================
وفيه حلق نازل قبل فتره يكون طويل وكبير ما تتحمله الإذن البشريه يعني يالله إذنين فيل عشان تناسب حجمه>>>>مع كل احترامي بس والله اني استغرب من اللي يلبسونها خطر تقطع إذنهم بس وش يسون يتحملونها عشان الموضة عشان يطلعون أحلى..!؟؟
==================
العدسات الملونة ما تناسب عيون الجميع و بعضهم يلبسونها وعيونهم تحمروتدمع وتوجعها بس الضعيفه مقاومه ومتحمله عشان تطلع أحلى...!!؟؟
========== ولا التسريحات بالعروس ((وما أدراك مالتسريحات ))حدث ولا حرج يمكن البعض ماقد شاف درازن التوك والبنسات المدعسه في هالتسريحات يعني لوالوحده تجيها خبطه على راسها يمكن يتخرم من البلاوي اللي تحت التسريحه وبعض التسريحات ثقيله ومليانه اكسسوار وبعضها يوجع الراس ويكون مشدوووووود طيب لييييييييييش مستحملين العذاب عشان تطلع أحلى...؟؟؟
===============
والبعض ما يتحمل الظل أوالكحل لأن عينه حساسه ويحطونه وعيونهم توجعهم وترجع البنت وأنواع القطرات وغسول العين ((من البلاوي اللي حطتها)) طيب ليش تحطها وعينها ما تتحمل...!!؟؟ يا خزياااااااه تبونها تروح بدون ما تكمل المكياج جعل عيونها تنحول أهم شي الكشخه عشان تطلع أحلى..!!؟؟
================
بعض الحريم تبي تلبس فستان ضيييييييييييق والكرشه ماتساعد ابد تروح تلبس مشد ولا يخفى على الجميع ما يسببه ذالك المشد من آلام..يعني اللي يلبسونه يترحمون حتى ما يعرفون ياخذون نفس منه ويمكن ما يتعشون حدهم الشاهي بس مافي أمل الفستان بينشق كل هذا عشان تطلع أحلى....؟؟!
============
والبعض نفس الشي تنانيرهم ضيقه مررررررررررررررره السحاب شوي و بينقطع تلقاهم اذا جو يتعشون فكو السحاب عشان تدخل اللقمه ياحراااااااااااام ليييييييييييش...!!؟؟ عشان تطلع أكشخ وأحلى..!!؟ ==============

ولا الوحده اذا طولت هالأظافير تحسبونها مرتاحه فيها تكذب عليكم لو تقول إنها مرتاحه وأنا اعني بتطويل الاظافر اللي مو صاحي يعني انسب شي سنتي متر واحد هذا اكثر شي وبعده تقررررررف وتتحمل البنت عشان المناكير والموضة والحركااااااات عشان تواجه وتطلع أحلى...!!؟؟
=================
لا وبعد أزيدكم من الشعر بيت اذا جت الوحده ترووح العرس تقول أسلحة دمار شامل على راسهاطيب ليش تتحمل ها لأسلحه عشان تطلع احلى..؟؟
===================

نكت بنات ..%

من جد شي يفشّل...ههههههههههه

وحده دخلت محل للكمبيوتر وقالت لراعي المحل
لو سمحت.. أبغى ويندوز إكس بي ملون !!.

هذي دقت على الصيانه وقالت لهم جهازها مايشتغل
سالوها عن السبب وش فيه
قالت لا كان فيه فيروس ورشيت داخله فليت

وهذي وحده فاضيه ماعندها لاشغل ولا مشغله دقت على
محل وقالت يا أخي سمعت انه بتنـزل حروف جديدة للوحة
التحكم هي نزلت ولا بعد !!.
وذي وحده اول ماشرت الجهاز مسويه نفسها فاهــــــــــمه مره
وراحت للمحل وقالت بكل برود لو سمحت.. أبغى حبر لشاشة
( إل جي فلاترون ) على بالها الالوان تطبعها الشاشه نفسها

...........................
مواقف مضحكه للبنات ليلة الدخله او الخطوبه والله بلاوي ليله الدخله او ليله الخطوبه

انواع الاحراجات . تلاقي الوجه صاير طماطه

1- وحده جاب زوجها لها تمر وجلس يأكلها حبة حبة طبعا البنت استحت منه تطلع نواة التمر قدامه قامت تبلع وهو يعطيها واختنا في الله

تبلع الى ان انتهى بها الموضوع في المستشفى..!

2- وحده جا خطيبها يشوفها وطبعا هي خجولة جدا.. وفيها حيا كثييير!

المهم دخلت عليه وابوها كان موجود فجأة دخل خالها وبعدين عمها وشوي يدخلون خوانها كلهم _يا

حبيبي _ صار المجلس مليان ناس وكلهم عيونهم عليها ومن يوم شافتهم المسيكينة متجمعين وكان يغمى عليها!!

3- وحده جات بتخطب صديقتها لاخوها عزمتها في بيتهم وقالت لاخوها طل عليها من الشباك وشفها اذا

اعجبتك نخطبها لك .. وافق اخونا ما كذب خبر ولما جات البنت عطتها شوكولاته والبنت رفضت تاخذها

وهذي تلزم عليها والبنت مصرة ما تاخذ .ولما طلعت تسأل اخوها عن رأيه في البنت .. الاخ شاف البنت

وهي تخش الشوكولاتة في شنطتها ..ولما سألته اخته وش رايك؟ قال موافق على طول وتم الزواج ..!

وفي ليلة العرس يسأل الزوج البنت : وين الشوكولاتة اللي خذيتيها من بيتنا؟؟؟ "ما ترضين واحد ياخذ من بيتكم شي وما يستأذن"..!!

4- واحد في ليلة عرسه جالس في زاوية وزوجته في زاوية يكلمها وهي مستحية وتطالع الارض ..

ينطل نكتة (يستهبل) عليها .. البنت ماش تطالع في الارض ولا كن فيه احد جالس جنبها!!

الولد من كثر ما يكلم نفسه وبنت الناس ساكته ..قال ياولد خلني اطنش واسكت شوي .. فجأة اصدقاء الرجل قالوا لازم ننكد عليه ليلة
زواجة (والله الغثاثة) ونحرجه قدام زوجته .. المهم قام واحد منهم وأخذ

حصاة وحلتها بها الشباك عاد تخيلوا سكون البنت وصمتها وصوت ضربة الشباك _قوية_ كانت

مفاجأة للبنت اللي يوم سمعت الصوت ومن الخوف والرعب طمرت وضمت زوجها من الخوف

الرجال استانس واعجبته الحركة ترك البنت على جنب وطالع من الشباك لقاهم اخوياه صاح لهم

وقال :ثانية شباب ثانية..الا وحدة حصاة في راسه ويا ليل ما اطولك .وصارت البنت هي اللي تداويه ذيك الليلة وتنظف جروحه

راح الحيا وراح الخجل .. والسبب حصاة.!!!

5 وحده اول مرتن بتشوف الي خطبها ويوم قالها ابوها يالله ادخلي المجلس دخلت ومن قوة الحيا دخلت وسلمت على اخوها

6 واحد وده يتزوج وقال لامه دوري لي وحده دلوعه وشكلها بيبي فيس وجسمها صغيير وشعرها طويل واهم شي مو دبة

وكل مرة يروح ويشوف البنات ما يعجبه الشكل ,

وفي يوم لقت الام وحده وقالت له روح وشوفها يوم راح ودخل المجلس جلس علا الكنب وقال ابوها

لبنته يالله ادخلي يوم دخلت وجلست علا الكنبه الي جنبه وشافها

من قوة الفرحه وانا طلعت زي مايتمنى اخونا ماقصر قام وباس البنت قدام ابوها

7- واحد في ليلة الدخلة يوم وصل هو وزوجته لبيت الزوجية .. كانت البنية مستحية .. فدخلت بدون

ما تقول أي كلمة لغرفة النوم .. عاد الرجال بدأ يجمع أفكاره و يرتب الكلام و يصفه .. و ضبط

وضعه .. و استعد للموقعة .. أتم استعداد و لما دخل الغرفة تفاجأ و ما لقى زوجته انهبل

طارت عيونه بدأ يدور عليها و ينادي .. و مرررة لا حس و لا خبر .. هو متأكد انها دخلت الغرفة

قبلها وش صار انخطفت و لا نطت من الشباك .. الشباك عليه حديد ..

قصة مضحكة عن احد الفتياتقصة مضحكة وضريفة

نترككم مع قصة الفتاة............!

كنت قاعدة اتفرج عالتلفزيون... متابعة مسلسل... وجا مشهد زواج وحدة من الشخص اللي تحبه من زمااااان...

قلبت القناة على قناة Fuziah (لحد يسألني وشي قناة فوزية اسألو الوليتا بس لووول)...

لقيت عرض ازياء فساتين عرايس... قلبت لقيت خطوات وضع مكياج العروس... سكرت التلفزيون وجريت الونة
التفت على ابوي اللي نسيت تماما انه كان جنبي. .. قال لي ابوي:

خير ان شاء الله يابنتي؟! وش فيك؟! عسى ماشر؟!

انا تلخبطت ساعتها وفتحت له التلفزيون وقعدت ساكتة...

ايه اكيد بسكت وش اقول؟ اقول له ودي اعرس؟؟؟

(يعني اتزوج بالعربي)... اقول له ان صاحباتي اغلبهم تزوجو؟؟؟
ولا اقول له اني تمنيت اكون مكان بنت خالي في كوشتها وفي الزفة امس؟ يقطع الدراسة وسنينها ياشيخ...

اوف والله غثا يا بخت جداتنا ماتطق الوحدة العشر سنين الا هي مخطوبة وعلى الثنعش اعرست وان وصلت البنت ثمنطعش ما اعرست قالو عانس!!! هذوليك البنات اللي عايشين صح مب حنا اللي نعجز ونوصل سن اليأس مااعرسنا... أخ يبه الله يفتح عليك وتخليني اعرس... وتفكني من الدراسة...

وبينما انا غارقة في قاع هذي الهواجيس ويرن التلفون ويقطع حبل افكاري... طالع الرقم ابوي وقال رقم غريب... رد بلهجة رسمية:

-وعليكم السلام..... الله يسلمك..... الحمدلله بخير..... ايه انا ابوفلانة (منيب قايلة احلى نوف عشان محد يعرفني ويضحك علي).... لا منت غلطان انا هو... ماعليك زود الله يسلمك... من معاي ياخوي ماعرفتك... والنعم.... تفضل وش السالفة اللي تبيني فيها؟.... لا ماني مشغول... لهالدرجة الموضوع مهم؟!... تفضل تكلم شغلتني...

والتفت ابوي علي وعطاني نظرة غريبة

انا ساعتها قرصني قلبي مو من ردود ابوي بس من نظراته الغريبة

رد ابوي على المتصل: وش فيها زود طيب؟

... لا بس مافيها أي ميزات عن الباقي...

رد ابوي على المتصل: طيب وبعدين... ايوة....طيب وش اسمك الكامل؟.... وش تشتغل بالضبط؟..... طيب من دلك علي وعطاك رقمنا؟..... لا الموضوع يا ابني مو بهالبساطة.... العملية مش بيع وشرى وبس... الواحد لازم يسأل كثير ويحرص قبل يقدم على أي خطوة... لا موضوع انك تجي لبيتنا خليها بعدين... لين اسأل عن كل صغيرة وكبيرة... لا لما اكتفي من السؤال واخذ المعلومات اللي تكفي بتصل عليك تجي ونتفاهم ويكون خير ان شاء الله

انا كنت اتابع حركات ابوي وانا متشققة من الفرحة...

اخيرا انخطبت وبتزوج مثلي مثلي غيري...

يوووووه أخيرا بلبس فستان ابيض منفووووووش

اخيرا بطلع اجهز واتقضى للزواج... بسوي زواج كبير مررررررة وبحط زفة ريميكس وطرحتي مابيها خليجية وع بخليها مبتكرة... منيرة منيب عازمتها هي وخواتها ماعزموني الاسبوع اللي فات على الدي جي اللي سووه... وحصة صديقة امي منيب عازمتها بعد مالي خلقها تحوسني لو حطيت اورج... وبشتري اغراض واشيل واحط واخطط... بيصدع راسي بس ولو لذيذ هالصداع...

يوم قفل الخط ابوي التفت علي وهو مبتسم

ابتسامة تعجب وهو ساكت... قلت:
- هاه يبه؟ متى بيجي يشوفني؟
- منهو
- هذا اللي خطبني تو
- وشو؟!
- خطيبي اللي تو
- تموووووونين انتي ووجهك صار خطيبك على طول ماعندك وقت

- ايه يبه ترى احذرك هالمرة شف تكرش العريس مثل ماكرشت ولد ام مساعد العام للحين تراها حازة في نفسي ترا هالمرة بضرب عن الدراسة... ولا الاكل مقدر اضرب عنه...

والرسول حث على تزويج من ترضون دينه وخلقه... وهذا قايل قلبي انه اجودي ترا مااعرفه بس اتوقع انه كذا... وترا العرس اهم من الدراسة عشان الجنس البشري ماينقرض.... وبعدين من قال لك اني منيب مكملة دراستي والله بكمل

حسيت ان عيون ابوي بتطلع من شدة علامات التعجب

اللي في وجهه بعدين انفجر من الضحك

- هي انتي وين رحتي حدك حدك لا تشطحين!!!

- وش اشطح؟! هذي الحقيقة والحقيقة ماتزعل وانت الله يطول لنا بعمرك علمتنا على الصراحة وحب الحقيقة

- أي عريس واي هم؟؟!!... انتي مسخنة؟؟ ... هذا مندوب شركة يبي يجي يوريني المكنسة الكهربائية العجيبة على قولته اللي تغسل وتنفخ وتطبخ خخخخخخخ....
قومي نامي يابنيتي ولا تكثرين قعدة قدام التلفزيون... الحين بس عرفت ليه سكرتيه تو...

الله يقطع ام العجلة اللي تعرفونها...

هالمواقف فيه بعضها يحزن وبعضها يضحك: وبعضها يرفع الضغط ........اهم شئ حاولوا تتخيلونها واتمنى ان تنال إعجابكم .....

فيه وحده من زمان تستحي مرة مرة .. ولما تزوجت كانت تستحي حتى تتكلم مع زوجها .. وكانوا الحريم يلومونها على هالحياء الزايد ويقولون لها لازم تحكين مع زوجك و تمزحين معه تدفينه بيدك مثلاً .. وصممت هالمرأة على **ر هالحاجز من الحياء الزايد ... ومرة من المرات هي وزوجها بالسطح يوم جاء الزوج بينزل مع الدرج ألا وهي تسرع وتدفه ( تدفعه ) وهي تبسم .. تدحرج المسكين وترن ترن مع هالدرج الى ان وصل آخر درجه وهو بعد ما استوعب وش اللي صــــــار ..

-----------------------------------------------------------
وحده يوم عرسها بعد ماخلصه من مكياجها وتسريحتها .. يوم جت تطلع على الحريم والرزة على المنصة.. شافت بعض ( الحمرة ) في يدها دخلت تغسل يدها وفتحت الحنفية .. ومـادرت الا والدش يصب على راسها

--------------------------------------------------------------
وفيه وحده بعد تقول في الاسبوع الاول من زواجي حلمت اني العب مع اخواني وقام اخوي الصغير واخذ شي من اغراضي وقمت الحقه حتى مسكته وقمت اضربه واصفقه .. يوم توقظت لقيت اني اضرب زوجي !!

---------------------------------------------------------------
تقول كانت اختي جالسة عند التلفزيون أثناء استعراض برامج الغد وجاء في العرض ( ثم نقدم لكم نشرة الاخبار المصورة الثالثة والاخيرة ) فرحت أختي مرررة .. وراحت لأمي : يمه يمه الحمد لله خلصنا من الاخبار بكرة الحلقة الاخيرة ...

-------------------------------------------------------------
تقول رن هاتف المنزل وردت اختي الصغيرة .. وسالتها المتصلة : وين الوالدة ؟ قالت اختي وببراءة : ماعندنا احد والد اليوم...

--------------------------------------------------------
خطب احد الأشخاص أخت صديقــه وأراد من صديقه أن يمكنه من رؤيتها دون أن تشعر الفتاة - وقام الأخ وضبط الموقف حيث اشترى بعض الأغراض وأدخل السيارة في الفناء الداخلي للمنزل ونادى أخــته لحمل الأغراض من السيارة - والخاطب يبصبص من شباك المجلس - وجاءت البنت وحملت كرتون البيبسي وقامت تركض و تدوربالكرتون و( تفحط ) كأنها تقود سيارة !!!!!! ولم تعلم البنت الأ في ليلة الزواج حين اخبرها الزوج فما كان منها الا ان بكت من شدة الخجل ...

----------------------------------------------------------
تقول عزمنا أقاربنا في الشرقية ومن باب الكرم حطوا في العشاء طبقا من الاطباق ( عبارة عن روبيان طازج مشوي غير مقشر ) شاف ولدي الصغير هالطبق وقال : يمه _ ووووع _ حاطين في العشاء صراصير وضعاريط < بعضهم يسمونها { وزغ } .

-------------------------------------------------------
تقول احد المدرسات ان طالبة في الاول الابتدائي كانت بنتا للفراشة اللي في المدرسة ... ولدت ام هالبنت وكانت بعض المدرسات مجتمعين عند مديرة المدرسة ( هدى ) .. نادوا البنت و سألوها عن حال امها ؟ وش جابت ؟ قالت هالبنت جابت امي بنت وتقول امي بنسميها ( المديرة ) .. وكانت تقصد بنسميها هدى !!!

-----------------------------------------------------
تقول شرح لي أخوي مادة القواعد حتى فهمتها .. وفي الامتحان جاوبت تمام التمام ... وطلعت مسرعة من المدرسة لسيارة أخوي ركبت المرتبة اللي وراء وطقيت كتفه وقلت مشكور يأخيي جاوبت زين بالامتحان .. رد علي بهدؤ وقال : أنا آسف ماني أخوك غلطانه في السيارة

----------------------------------------------------
فيه وحده تقول في اول ايام زواجي طلب مني زوجي ان افتح له علبة بيبسي .. وبغيت احرك الجو بشي من الفرفشة .. قمت وفتحت العلبة قدام وجهه و... يا للهول طاااااااش البيبسي على وجه وملابسه والجدار .. وانا مع خوفي جتني حاله هستيرية من الضحك وانا اشوف هالموقف

-------------------------

قصة3بنات ...........مضحكه

واحد عنده ثلاث بنات كلهم مجانين

اخذهم يوم من الايام على المستشفي

علشان يعرضهم على الطبيب

ويشوف كلام امهم عنهم صحيح ولا,لا

شافهم الطبيب قال لازم نعمل لهم اختبار

دخلهم غرفه وشغل لهم المســــجل

المهم ثنتين منهم قاموا يرقصون

والثالثه جالسه تطالع فيهم

لما شافها ابوها انبسط

قال الحمد لله طلعت وحده منهم عاقله

قام ابوهم وركبهم السيارة عشان يرجعهم البيت

وجلس العاقلة قدام بجنبه

وقام وسألها!!!!!!

ليش يابنيتي ما رقصتي مع أخواتك

قالت له : يوه يبــه لا تحرجنى

وشلون ارقص وانا العروســـــه!!!

.................
وانتهينا
ارجو التقييم+ الردود+ اعجابكم

آخر شيء لقى أختنا في الله خايفة و منخشة في الدولاب ( الكبت ) على قولة أهل الكويت

ههههههههههه

فديتناا حنا البناات

يسلموو